مميزات و عيوب الانسان

انا قلت نتكلم المرة دى فى موضوع جديد
و هو مميزات و عيوب الانسان
اكيد كل انسان ليه عيوبه ومميزاته بس المهم ان الانسان
يعترف بعيوبه و يحاول انه يحسنها و يزيد من مميزاته
علشان الناس تزداد من محبتهم فيه
فكنا عايزين نعرف ايه عيوب ومميزات كل عضو هنا
فى المنتدى
فا انا مثلا من عيوبى انى مش بصبر على الحاجه كتير
و ساعات بتعصب بس وقت اللزوم يعنى
وانتوا؟؟؟؟؟؟؟
وايه كماناكتر حاجه بتحبوها و اكتر حاجه ممكن تدايقكوا بسرعة
معلش انا عرفه انى زهقتكوا
و يارب يكون الموضوع عجبكوا

طبعا عجبنى
وانا يا ريموشكا هقول مميزاتى الاول
ممكن اكون طيبه زياده ودى مشكله بتوقعنى فى غلطات كتير اوى واعتقد انى بحب الاطفال اوى اوى
واكتر ميزه حلوه فيا انى اخترت دانيال من بين ممثلين كتير علشان احبه اوى كده
ومن عيوبى انى عصبيه جدا جدا جداااااااااااااااااااااااااااااا
وعندى جنون بالمرايا
بس انا كمان عايزه منك حاجه يا ريما قولى اللى قلته ده صح ولا غلط ولو عندك عيوب او مميزات تاني فيا قولى

بصراحه يا ربا كل اللى انتى قولتيه صح بس انتى نسيتى حاجات كتيره
انك زى القمر و دمك خفيف جدا
و انا بحبك جدا و كلنا بنموت فيكى

موضوع حلو يا ريم وهو تغير عن الموضوع التانية وكمان بيدينلا فرصة على اننا نتعرف على بعضنا اكتر
انا حصدمكم بعيوبي الاول وبعدين بمميزاتي عشان تنسو العيوب
اعتقد اني مزاجية شوية يعني سعات تلاقوني رايقة وفجأة بعصب من نفسي كده
و انا مش بحب ابقى في وسط الزحمة و بتلهي بسرعة يعني لما بعمل ححاجة سهل اوي حد يقومني منها
و الاسوء بقى اني بتوه كتير اوي هههههههه (محدش يتريق)
نيجي بقى لمميزاتي
انا اجتماعية و بتأقلم بسرعة في اي مكان و زي ريا بموووووووت في العيال
و انا بحب اساعد غيري بس مدام حاجة مش مملة مفيش مشكلة
بس كده و مره تانية مرسي يا ريم على الموضوع فهو بجد حلو ومش وحش زي ما قلتي و متزعليش انا رديت اهو على الموضوع مش ربا بس

ميرسي على الموضوع الجديد والجامد ده يا ريما
انا مميزاتي اني طيبة وحنونة واعتقد اني لطيفة وبحب الاطفال جدا
وعيوبي اني عصيبة شوية لكن بهدى على طول واكتر حاجة بضايقني الكذب
واكتر حاجة بحبها الاشخاص الافوياء واللطاف زيكوا يا احلى اعضاء في احلى منتدى
ميرسي ياقمر على الموضوع

موضوع لرائع يا ريموشكا
انا بقى معتقدش انى حعرف اوصف نفسى بس ممكن اققولكوا شويه حجات
يعنى انا عيوبى انى حساسه اوى اوى واعتقد ان شخصيتى ضعيفه وانا بتمسك باحلامى اوى يعنى عيشه فالخيال انا مش عصابيه اوى بس دموعى قريبه اوى اوى وبزهق بسرعه مناى حاجه مش بحبها ومحبش اتعلم حاجه مبحبهاش وطيبه جدا جدا ممكن اى حد يضحك عليا
لو اكتشفت حاجه تانيه حقلكم عليها
اما مميزاتى فانا عندى طموح كبير وممكن تقولى عليا ذكيه شويه وبحب الاطفال البيبى خالص
وبحب الرومانسيه وعايزه اكسب محبه الاخرين واحب اساعدهم وبحب الهدوء واحب عالم هارى بوتر ودانيال طبعا واحبكوا اوى اوى
يا رب متزهقوش منى

ربنا يخليكى ليا يا رنون يا قمر يا اللى دايما رافعه من معنوياتى
و مفيش حد فعلا مش بيحب الاطفال و الرومانسية
و لسه لحد دلوقتى يا رنون بتوهى انا بهزر معاكى متزعليش
و انت دايما رقيقه و عسوله اوى يا دودو يا قمر
و عمرنا ما هنزهق منك يا هيرمونى علشان احنا بنحبك جدا
و انا بحبكوا كلكوا

وانا بموت فيكوا

على فكره عادى اوى يا رنون انك تتوهى انا لغايه دلوقتى مبعرفش اروح ولا حته
واسألى ريم على التوهان اللى انا فيه
بجد اخرى اول الشارع بتاعنا
وليه يا هرميونى دموعك قريبه لالالا خليكى اجمد من كده
وطبعا حب الاطفال ده غريزه فطريه بس لو زادوا عن 6سنين شكرا مش ععايزاهم

صعب جدا ان الواحد يوصف نفسة بس الواحد يقدر يقول مميزاته وعيوبة من خلال الناس اللى قابلهم
الناس اللى قابلتهم او بمعنى اصح اصدقاء العمرقالولى ان عيوبى هى|.
1-بكسف زيادة عن اللزوم
2-بيقولوا عليا رغم سنى انى طفلة
3-لما بتعصب بيبقى صعب يهدونى(وتقريبا السبب ده هو اللى بيخلى اصحاب كتيير يزعلوا منى)
4-واحيانا بدايقهم بالبرود بتاعى(بس مبيبقاش قصدى)
5-احيانا ببقى كسوله جدا
00000000000000مميزاتى
1-صبورة
2-بتأقلم مع الاطفال بسرعة غريبة(كل الاطفال اللى اعرفهم بيحبونى جدا ومبيستحملوش حد يشتمنى ولو كان هزار)
3-رومانسية(بس مش اوى زى هيرمونى)
4-طيبة جدا(وتقريبا دة اللى عاملى ضعف فى الشخصية)
5-ببقى وفية جدا للاصدقاء الى بيبقواوفيين ومخلصين وصادقين فى اقوالهم وافعالهم
6-متسامحة جدا
7-صدوقة جدا
معلش يا جماعة طولت عليكم كتييييييير
وشكرا يا اجمل ريموشكا على احلى موضوع

انتى يا شروق يا حبيبتى مبديقيش حد ابدا وانا بموت فيكى كفايه انك بتستحملينى

عندك حق يا ربا شروق على طول تقولى كدا بس انا بحاول